Մեսրոպ Մաշտոց Համալսարանի Ուսխորհրդի նախաձեռնությամբ այսօր՝ հունիսի 5-ին, տեղի է ունեցել բուհի շրջանավարտների հրաժեշտի երեկոն։
Մինչ միջոցառման մեկնարկը՝ ներկաները ծաղիկներ են խոնարհել Արցախյան երրորդ պատերազմում նահատակված ուսանողների հիշատակը հավերժացնող հուշատախտակի առաջ։
Միջոցառմանը բացման խոսքով հանդես է եկել բուհի ռեկտոր Դոնարա Գաբրիելյանը։ Նա շրջանավարտներին շնորհավորել և կանաչ ճանապարհ է մաղթել։Դ. Գաբրիելյանը հպարտությամբ է նշել, որ բուհի շրջանավարտները բոլոր ժամանակներում աշխատել և այսօր էլ շարունակում են պետական տարբեր կառույցներում իրենց գործունեությամբ նպաստել երկրի շենացմանը։
Ուսանողները հանդես են եկել երգերով, ազգային պարերով, կազմակերպել՝ խաղ-մրցույթներ, թղթին հանձնել իրենց երազանքները։
Միջոցառմանը բուհի հումանիտար և տնտեսաիրավաբանական ֆակուլտետների դեկաններ՝ Արինա Գրիգորյանը և Յանա Դավթյանը հանդես են եկել շնորհավորական ելույթներով. նրանք խաղաղություն, հաջողություն և բարի երթ են մաղթել շրջանավարտներին՝ վստահ լինելով, որ իրենց ստացած գիտելիքներն օգտագործելու են ի շահ Արցախի Հանրապետության զարգացմանը։
Ուսանողներն իրենց հերթին երախտիքի խոսքեր են հղել ՄՄՀ պրոֆեսորադասախոսական կազմին, ովքեր անձնվիրաբար ծառայել են ուսանողներին։
Իսկ միջոցառման վերջում՝ ուսանողները ապակե շշի մեջ լցրել են իրենց երազանքների փոքրիկ բացիկները և հողի մեջ դրել՝ խոստանալով, որ տարիներ անց իրենց ձեռքով կբացեն շիշը։ Որպես նվեր՝ շրջանավարտները բուհի դիմաց ծառ են տնկել և օդ բացթողել փուչիկներ։Մեսրոպ Մաշտոց Համալսարան -ի մամուլի ծառայություն