ՄՄՀ Կովկասագիտության Կենտրոնի Զարգացման Հայեցակարգ
Կենտրոնի Առաքելությունը:
- Կովկասագիտության կենտրոնը Մեսրոպ Մաշտոց համալսարանի կառուցվածքային ստորաբաժանումներից է և կոչված է, որպես գիտահետազոտական կենտրոն, նպաստել «Կովկասագիտության» մասնագիտության ուսանողների և մագիստրանտների որակյալ պատրաստմանը:
- Կենտրոնն օգնում է էլեկտրոնային գրադարանի և ՄՄՀ գրադարանային ֆոնդի ձևավորմանը կովկասագիտական և քաղաքագիտական թեմաներով Կովկասագիտության բաժնի ուսանողների համար:
- Կենտրոնը ձևավորում է գիտահետազոտական աշխատանքների թեմատիկա՝ կուրսային աշխատանքներ, դիպլոմային աշխատանքներ և Կովկասագիտության բաժնի ուսանողների համար ապագա մագիստրոսական աշխատանքներ գրելու համար:
- Կենտրոնը կազմակերպում է Կովկասագիտության բաժնի ուսանողների հանդիպումը քաղաքագետների, պատմաբանների, կովկասագետների, արևելագետների և հասարակական գործիչների հետ, Արցախի, Հայաստանի, Ռուսաստանի և այլ երկրների, ծանոթության և շփման, քննարկումների, դասախոսությունների ու համագործակցության այլ ձևաչափերի համար:
- Կենտրոնն աջակցում է Արցախի, Հայաստանի և տարածաշրջանի զարգացման առավել արդիական խնդիրներին նվիրված միջազգային գիտաժողովների կլոր սեղանների կազմակերպմանը:
- ՄՄՀ Կովկասագիտության կենտրոնը Տարածաշրջանային բուհերի և տարածաշրջանային այլ գիտահետազոտական կենտրոնների հետ համատեղ պատրաստում և հրատարակում է ռեգիոնալ թեմաներով ժողովածուներ:
- Ներկայումս տեղի է ունենում ՄՄՀ Կովկասագիտության կենտրոնի կառույցի կայացումը, որը պայմանավորված է Կովկասում տեղի ունեցող իրադարձությունների ամբողջական հետազոտման անհրաժեշտությամբ և դրանց ազդեցությամբ Արցախի ու Հայաստանի վրա: (ՄՄՀ Կովկասագիտության կենտրոնի կառուցվածքը կցվում է)
Կենտրոնի զարգացման հեռանկարում նախատեսվում է հետևյալ աշխատանքները առաջիկա 5 տարիների համար:
- Անցած 7 տարիների ընթացքում արդեն կատարված աշխատանքի հիման վրա պետք է ավելի շատ ուշադրություն դարձնել ուսանողների և ապագա մագիստրոսների գիտահետազոտական աշխատանքներին կովկասյան և ռգիոնի զարգացման ժամանակակից հիմնախնդիրներին;
- Անհրաժեշտ է պատրաստել մագիստրոսական ուսումնական ծրագիր Կովկասագիտություն մասնագիտության համար;
- Անհրաժեշտ է ավելի ուժեղացնել ադրբեջաներենի և պարսկերենի ուսումնասիրման բլոկը ։ Անհրաժեշտ է նաև ավելի շատ գիտահետազոտական թեմատիկաներ հատկացնել Ադրբեջանի և Իրանի խնդիրների ուսումնասիրությանը ՝ Արցախի և Հայաստանի վրա դրանց ազդեցության համատեքստում ։
- Անհրաժեշտ է հետագայում ևս զարգացնել համագործակցությունը տարածաշրջանի գիտահետազոտական և վերլուծական կենտրոնների հետ ։
- Կենտրոնը հետագայում ևս կաջակցի Արցախի, Հայաստանի զարգացման առավել հրատապ խնդիրների շուրջ միջազգային գիտաժողովների, կլոր սեղանների կազմակերպմանն ու անցկացմանը, ինչպես նաև տարածաշրջանի ընդհանուր հետազոտությունների անցկացմանը:
ԿՈՎԿԱՍԱԳԻՏՈՒԹՅԱՆ ԿԵՆՏՐՈՆԻ ԿԱՆՈՆԱԿԱՐԳ
Հիմնական դրույթներ
- Մեսրոպ Մաշտոց Համալսարանի (այսուհետ՝ Համալսարան) Կովկասագիտության կենտրոնը (այսուհետ՝ Կենտրոն) գիտական հետազոտություններ իրականացնող կառուցվածքային ստորաբաժանում է:
- Կենտրոնը ստեղծվում է ռեկտորի կողմից: Կենտրոնի ղեկավարը և աշխատողները նշանակվում են ռեկտորի հրամանով:
- Կենտրոնն իր գործունեությամբ ղեկավարվում է Համալսարանի կանոնադրությամբ, գիտական խորհրդի որոշումներով, ռեկտորի հրամաններով և սույն կանոնակարգով, ինչպես նաև պետական չափորոշիչներով:
Հիմնական խնդիրներ
Կենտրոնի իրավասություններն են.
- Փորձարարական հետազոտության արդիականության եղանակների յուրացում և ներդրում:
- Աշխատատեղերի և գիտախորհրդատվական օգնության տրամադրում ամբիոնների աշխատակիցներին և ուսանողներին՝ ինքնուրույն և Կենտրոնի հետ համատեղ գիտական հետազոտություն անցկացնելու համար:
- Կենտրոնի համապատասխան ստորաբաժանումներում ուսանողների հետ գիտագործնական պարապմունքների անցկացում՝ հետազոտության ժամանակակից մեթոդների և սարքավորումների հետ ծանոթացնելու նպատակով:
- Համագործակցություն գիտաուսումնական հաստատությունների և հասարակական կազմակերպությունների հետ:
- Կենտրոնի գիտաշխատողների որակավորում՝ հիմք ունենալով Գիտաշխատողների որակավորման բնութագրի» գործող դրույթները:
- ՄՄՀ Կովկասագիտության կենտրոնը Տարածաշրջանային բուհերի և տարածաշրջանային այլ գիտահետազոտական կենտրոնների հետ համատեղ պատրաստում և հրատարակում է ռեգիոնալ թեմաներով ժողովածուներ:
- Կենտրոնը կազմակերպում է Արցախի, Հայաստանի զարգացման առավել հրատապ խնդիրների շուրջ միջազգային գիտաժողովներ, կլոր սեղաններ ինչպես նաև տարածաշրջանի ընդհանուր հետազոտությունների իրականացում:
Կենտրոնի կառուցվածքը և հաստիքացուցակը հաստատվում է համալսարանի ռեկտորի կողմից՝ գիտակոորդինացիոն խորհրդի նախնական քննարկումից, գիտության գծով պրոռեկտորի հետ համաձայնեցնելուց և Կենտրոնի ղեկավարին ներկայացնելուց հետո:
Կենտրոնի գիտական միավորները ձևավորվում են մեթոդական / թեմատիկ սկզբունքների համաձայն:
Կենտրոնում կարող են ստեղծվել նաև այլ շարժական ստորաբաժանումներ:
Կենտրոնի գիտական գործունեության ղեկավարումը
- Կենտրոնի ընդհանուր համակարգումն իրականացնում է Համալսարանի պրոռեկտորը:
- Կենտրոնի ղեկավարումն իրականացնում է ղեկավարը:
- Կենտրոնի ղեկավարն իր գործունեությամբ հաշվետու է Համալսարանի ռեկտորին և գիտության գծով պրոռեկտորին:
Կենտրոնի ղեկավարը՝
- կազմակերպում և պլանավորում է Կենտրոնի գործունությունը,
- համակարգում է Համալսարանի այլ ստորաբաժանումներից Կենտրոն ուղարկված աշխատողների/ ուսանողների աշխատանքը,
- ռեկտորին է ներկայացնում այլ կազմակերպությունների հետ համաձայնագրերի նախագծեր,
- համաձայն Կենտրոնի խնդիրների՝ կոորդինացնում և պլանավորում է գիտա–հետազոտական աշխատանքները,
- հանձնարարություններ է տալիս Կենտրոնի աշխատողներին,
- հսկողություն է իրականացնում Կենտրոնի աշխատողների գործունեության նկատմամբ,
- Համալսարանի ղեկավարության համաձայնությամբ Կենտրոնի գիտական հետազոտություններին առնչվող հարցերը ներկայացնում է արտաբուհական կազմակերպություններում և պետական մարմիններում,
- ապահովում է պլանային գիտահետազոտական աշխատանքների, Համալսարանի ամբիոնների, գիտական ստորաբաժանումների և այլ կազմակերպությունների հետ իրականացվող համալիր գիտական հետազոտությունների որակյալ և ժամանակին կատարումը,
- Համալսարանի ղեկավարությանը ներկայացնում է գիտական հետազոտությունների հաջող իրականացումն ապահովող ստորաբաժանման աշխատողներին պարգևատրման առաջարկություններ:
Կենտրոնի տնօրենն իրավունք ունի իր իրավասությունները ժամանակավորապես պատվիրակել Կենտրոնի աշխատողներին՝ ռեկտորի համաձայնությամբ:
Կենտրոնի աշխատողները՝
- իրականացնում են Կենտրոնի գործառույթներից բխող աշխատանքներ,
- կատարում են ռեկտորի, գիտական գծով պրոռեկտորի և Կենտրոնի տնօրենի հանձնարարությունները:
- Կենտրոնի աշխատողները պարտավոր են ենթարկվել ԱՀ աշխատանքային օրենսդրությանը, Համալսարանի ներքին կարգապահական կանոններին, ինչպես նաև աշխատանքային էթիկայի կանոններին:
Կենտրոնի ֆինանսավորման աղբյուրները
- Համալսարանի կողմից հատկացվող միջոցները:
- Դրամաշնորհներից ստացվող գիտական հետազոտությունների ֆինանսավորման միջոցները:
Կենտրոնի նորությունները
