Օգոստոսի 25-ին կայացել է Մեսրոպ Մաշտոց Համալսարանի Տնտեսաիրավաբանական ֆակուլտետի խորհրդի 1-ին նիստը, որի ընթացքում քննարկվել են հետևյալ օրակարգային հարցերը.
- Տնտեսաիրավաբանական ֆակուլտետի խորհրդի կազմի հաստատում: Զեկուցող՝ դեկան։
- Տնտեսաիրավաբանական ֆակուլտետի խորհրդի նիստերի քարտուղարի և կուրսղեկների ընտրություն: Զեկուցող՝ դեկան։
- Տնտեսաիրավաբանական ֆակուլտետի ամբիոններում դասախոսների թափուր տեղերի համար հայտարարված մրցույթի արդյունքների ամփոփում: Զեկուցողներ՝ ամբիոնների վարիչներ։
- Ամբիոնների դասախոսների ծանրաբեռնվածությունների ներկայացում: Զեկուցողներ՝ ամբիոնների վարիչներ։
- Նոր ուսումնական տարվա նախապատրաստում: Զեկուցող՝ դեկան։
- Ընթացիկ հարցեր:
Նիստի ընթացքում բաց քվեարկության միջոցով միաձայն ընտրվեց և հաստատվեց ֆակուլտետի խորհրդի նոր կազմը, որը բաղկացած է 23 հոգուց: Քննարկվեց Տնտեսաիրավաբանական ֆակուլտետի կուրսղեկների և ֆակուլտետի խորհրդի նիստերի քարտուղարի թեկնածությունները և բաց քվեարկության միջոցով «Կառավարում», «Տնտեսագիտություն» և «Տեղեկատվական համակարգեր» մասնագիտությունների գծով կուրսղեկ ընտրվեց Դիանա Օլեգի Սարգիսովան– Տնտեսագիտության և կառավարման ամբիոնի դասախոս, իսկ «Իրավագիտություն» մասնագիտության կուրսղեկ ընտրվեց Մարինե Վլադիմիրի Առաքելյանը – Տնտեսաիրավաբանական ֆակուլտետի գործավար: Ֆակուլտետի նիստերի քարտուղար ընտրվեց Իրավագիտության ամբիոնի ավագ դասախոս Ինգա Ռոբերտի Բաղդասարյանը: Տնտեսաիրավաբանական ֆակուլտետի ամբիոնների վարիչները ներկայացրեցին դասախոսների ծանրաբեռնվածությունը և ամբիոնի դասախոսների այն թեկնածուներին, ովքեր մասնակցել են մրցույթին: Ներկայացվեց փաստաթղթերի բովանդակությունը և միաձայն ընտրվեց ավագ դասախոս Միրա Ռոբերտի Ղահրամանյանի և ավագ դասախոս Օլյա Ռաֆիկի Ալթունյանի թեկնածությունները: Ելույթ ունեցավ Տնտեսագիտության և կառավարման ամբիոնի վարիչ, տ.գ.թ., դոցենտ Ռոզա Յուրիի Ավագյանը և ներկայացրեց մրցույթին մասնակցելու հայտ ներկայացրած թեկնածու Դիանա Սարգիսովային: Արդյունքում միաձայն ընտրվեց նրա թեկնածությունը:
Նիստի վերջում քննարկվեցին կազմակերպչական հարցեր, այդ թվում՝ տեղեկացվեց, որ 2023-2024 ուստարին մեկնարկելու է սեպտեմբերի 1-ին, իսկ սույն թվականի նոյեմբերին 10-ին տեղի է ունենալու ավանդույթ դարձած գիտաժողով «Կրթության դերը, նշանակությունը տեխնոլոգիաների դարում» խորագրով միջբուհական ուսանողական գիտաժողով՝ նվիրված 44-օրյա պատերազմում նահատակված քաջորդիներին:
