Դեկտեմբերի 1-ին, ՀՀ մասնագիտական Կրթության Որակի Ապահովման Ազգային Կենտրոնի (ՈԱԱԿ) պատվիրակությունը՝ ի դեմս տնօրեն Ռուբեն Թոփչյանի, այցելել են Ստեփանակերտի Մեսրոպ Մաշտոց Համալսարան և բուհի պրոֆեսորադասախոսական կազմի ներկայությամբ ռեկտոր Դոնարա Գաբրիելյանին հանձնել համալսարանի ինստիտուցիոնալ հավատարմագրման վկայականը:
Բուհի ռեկտոր Դոնարա Գաբրիելյանը շնորհակալություն է հայտնել ՈԱԱԿ-ի պատվիրակությանը՝ Ռուբեն Թոփչյանի գլխավորությամբ:Ռուբեն Թոփչյանն իր հերթին ևս շնորհակալություն է հայտնել բուհի ղեկավարությանը, աշխատակիցներին կատարած հետևողական ու լուրջ աշխատանքի համար: Իր խոսքում նա կարևորել է այն հանգամանքը, որ ստեղծված ծանր ժամանակահատվածում Արցախից չհեռանալու և սերունդներին կրթելու ու դաստիարակելու գործին նվիրվելը մեծ առաքելություն է:Ռ. Թոփչյանի խոսքով՝ կրթությունը կարևոր նախապայման է այս իրավիճակում, միայն կիրթ ու գրագետ քաղաքացիներ ունենալու դեպքում կարող ենք նոր ձեռքբերումներ ու հաջողություններ արձանագրել:
Մեսրոպ Մաշտոց Համալսարանի մամուլի ծառայություն
