Լլրացուցիչ կրթության շրջանակում՝ Մեսրոպ Մաշտոց Համալսարանի և Ստեփանակերտի Վահրամ Փափազյանի անվան պետական դրամատիկական թատրոնի համատեղ նախաձեռնությամբ իրականացվող «Դերասանի վարպետություն» դասընթացի ընթացիկ արդյունքներն արդեն ակնհայտ են: Արցախցի փոքրիկների համար՝ Ամանորին ընդառաջ բեմադրելվել է «Ձմեռային հեքիաթ» ներկայացումը, որտեղ ակտիվ մասնակցություն են ունեցել նաև ՄՄՀ ուսանողները: Անակնկալներ, չար ոգիներ, կախարդանքներ, և իհարկե բարու հաղթանակ: Սա է բեմադրության ասելիքը: Երեխաններն էլ մեծ հետաքրքրությամբ են դիտել բեմադրությունը՝ հուսալով, որ Արցախում ամեն ինչ լավ է լինելու:
Վահրամ Փափազյանի անվան պետական դրամատիկական թատրոնի բեմադրող, ռեժիսոր Վահան Խաչատրյանի խոսքով՝ դասընթացի ժամանակ աշխատանքներ են տարվում դերասանի վարպետության, սցենարական աշխատանքի, բեմական խոսքի զարգացման ուղղությամբ: Կան ուսանողներ, ովքեր տիրապետում են նաև ռեժիսորական արվեստին: Կարճ ժամանկահատվածում՝ դասընթացին մասնակցած բանիմաց ուսանողները կարողացել են իրենց ստացած գիտելիքներն ու պրակտիկ աշխատանքները՝ հաջողությամբ ներկայացնել բեմում:Տեղեկացնենք, որ դասընթացի տևողությունը 10 ամիս է: Դասընթացի ավարտին կտրվի հավաստագիր, որը հնարավորություն կտա աշխատել թատրոնում և հեռուստատեսությունում:
