Ամփոփվել են «Կովկասագիտություն» մասնագիտության 3-րդ կուրսի ուսանողների փորձուսուցման արդյունքները
Մեսրոպ Մաշտոց Համալսարանում այսօր՝ մայիսի 12-ին, կայացել է կովկասագիտության բաժնի ուսանողների երկշաբաթյա փորձուսուցման արդյունքների ամփոփում. փորձուսուցումն անց է կացվել «Ռազմավարական հետազոտությունների անկախ կենտրոն»-ում:Փորձուսուցմանը մասնակցում էր 16 ուսանող: Ուսանողներն այդ ժամանակահատվածում հանդիպումներ են ունեցել քաղաքական գործիչների հետ, կազմակերպել քննարկումներ, օգտվել ակադեմիական գրքերից։
Արդյունքների ամփոփման ժամանակ՝ ուսանողները կիսվել են տպավորություններով, ներկայացրել նաև հաշվետվություն։ Ուսանողներն արդյունավետ են գնահատել փորձուսուցումը:«Ռազմավարական հետազոտությունների անկախ կենտրոն»-ի ղեկավար Ղարիբ Բաբայանը կարևորել է նման ձևաչափով փորձուսուցման անցկացումը:
Ներկայացվել են բացթողումները, ինչպես նաև փորձուսուցման արդյունքում ունեցած հաջողությունները։ Փորձուսուցման ընթացքում նոր գիտելիքներ են ձեռք բերել ուսանողները, որը կօգտագործեն հետագայում։
ՄՄՀ փորձուսուցման բաժնի ղեկավար Մելանյա Արզումանյանը հետևողական է եղել ուսանողների փորձուսուցման ընթացքին: Նրա խոսքով՝բուհում ստացած տեսական գիտելիքները ուսանողները պետք է կիրառեն գործնական պարապմունքներում:
Արդյունքների ամփոփմանը մասնակցում էին բուհի ռեկտոր Դոնարա Գաբրիելյանը և կովկասագիտության բաժնի դասախոսները:
ՄՄՀ մամուլի ծառայություն