Ուղիղ մեկ տարի առաջ ադրբեջանական զինված ուժերը միտումնավոր թիրախավորեցին և մեկ օրվա ընթացքում երկու անգամ ռմբակոծեցին Շուշիի Սուրբ Ամենափրկիչ Ղազանչեցոց մայր տաճարը

1918 թվականին աշխարհի քաղաքական քարտեզի վրա հայտնվեց Ադրբեջան արհեստածին պետությունը։ Այդ կազմավորումը ստեղծվել է ցեղասպան քաղաքականության և մշակութային արժեքների յուրացման ու ոչնչացման հիմքի վրա։ Հավատարիմ մնալով իր ձեռագրին՝ բռնազավթված հայկական պատմական տարածքներում ոչնչացրել և յուրացրել է հայկական հարուստ մշակութային ժառանգությունը՝ նպատակ հետապնդելով այդ բնակավայերում վերացնել հայկական հետքը։

 

Ադրբեջանի ռազմաքաղաքական ղեկավարությունը նույն գործելաոճն իրականացրել է 1991-1994թթ․ ընթացքում` նպատակաուղղված կերպով թիրախավորելով ինչպես քաղաքացիական նշանակության ենթակառուցվածքները, այնպես էլ` պատմաճարտարապետական հուշարձանները, ինչի հետևանքով բազմաթիվ հուշարձաններ ավերվել են ամբողջությամբ կամ էլ կրել են զգալի վնասներ։

2020 թվականի սեպտեմբերի 27-ին խախտելով մի շարք միջազգային կոնվենցիաներ և անտեսելով ՄԱԿ-ի գլխավոր քարտուղարի հորդորները, թուրք-ադրբեջանաահաբեկչական դաշինքը լայնամասշտաբ պատերազմ է սկսում Արցախի Հանրապետության դեմ։ 44-օրյա պատերազմի ընթացքում ամենօրյա պարբերականությամբ թիրախավորվում էին հասարակական նշանակության կառույցներն ու կրթամշակութային հաստատությունները և պատմական հուշարձաները։

 

 

Նյութի հեղինակ՝ Մեսրոպ Մաշտոց Համալսարանի Կովկասագիտության կենտրոնի ղեկավար Հովիկ Ավանեսով

 

Լուսանկարները՝ Դավիթ Ղահրամանյանի