ՄՄՀ-ում տեղի կունենա միջազգային գիտաժողով «Չճանաչված և մասնակի ճանաչված պետությունների պետականության կայացման ուղիները հետպատերազմյան շրջանում» խորագրով

Մեսրոպ Մաշտոց  Համալսարանը 2021 թվականի հունիսի 12-ին`  ժամը 10:00-ին, Արցախի Հանրապետության մայրաքաղաք Ստեփանակերտում կազմակերպում է «Չճանաչված  և մասնակի ճանաչված պետությունների պետականության կայացման ուղիները հետպատերազմյան շրջանում» խորագրով միջազգային գիտաժողով:

 Գիտաժողովի կազմկոմիտեն հրավիրում է գիտական և փորձագիտավերլուծական հանրության բոլոր ներկայացուցիչներին մասնակցելու պատմության և քաղաքականության  արդի խնդիրներին նվիրված միջազգային գիտաժողովին:

Տվյալ ձևաչափը հնարավորություն է տալիս վերհանել տարածաշրջանի հետպատերազմյան իրավիճակի խնդիրներն ու հեռանկարները:

     Գիտաժողովի ոլորտներն են՝

• կրթություն,
• պատմություն,
• քաղաքագիտություն,
• իրավագիտություն,
• միջազգային հարաբերություններ,
• տնտեսագիտություն,
• ինֆորմացիոն տեխնոլոգիաներ,
• լրագրություն,
• հոգեբանություն,
• կոնֆլիկտաբանություն:

Գիտաժողովին մասնակցելու համար անհրաժեշտ է մինչև 2021թ. մայիսի  1-ը konference9@gmail.com  էլեկտրոնային փոստին ուղարկել հետևյալ նյութերը՝

• գիտաժողովի մասնակցության հայտը (ձևը կցվում է),
• հոդվածի տեքստը:

                    Գիտաժողովի աշխատանքային լեզուներն են՝ հայերեն, ռուսերեն, անգլերեն:

 Հոդվածները պետք է համապատասխանեն գիտաժողովի խորագրին:

 Հեռակա մասնակիցների   համար  նախատեսվում է  հեռավար միացում (տեխնիկական խնդիրներից խուսափելու համար խնդրում ենք ուղարկել նաև զեկույցի տեսաձայնագրությունը):

            Գիտաժողովի նյութերը պետք է ներկայացվեն առանձին ֆայլով և համապատասխանեն հետևյալ պահանջներին՝

1. Հոդվածի ծավալը՝ 3 ամբողջական էջից մինչև 5 էջ (ելութի համար յուրաքանչյուր մասնակցի տրվում է 8-10 րոպե),
2. Տեքստն ունենա հղումներ /տե՛ս հոդվածի ձևավորման օրինակը/,
3. Լինեն ամփոփագրեր՝ հոդվածի լեզվից տարբերվող մյուս 2 լեզուներով,
4. Բանալի բառեր՝ 3 լեզուներով,
5. Բոլոր հոդվածները պետք է շարված լինեն.

• Ռուսերեն՝ Times New Roman, տառաչափ՝ 12
• Հայերեն՝ Sylfаen,  տառաչափ՝ 12
• Անգլերեն՝ Times New Roman, տառաչափ՝ 12:

Հոդվածները ընդունվում են մինչև 2021թ. մայիսի 1-ը:

Ուղեվարձը և գիշերակացն ապահովում են մասնակիցները:

Հոդվածի հեղինակը պատասխանատու է ներկայացրած նյութի բովանդակության ու գրագիտության համար:

Գիտաժողովի նյութերի ժողովածուի հրատարակումը նախատեսվում է գիտաժողովին ընդառաջ:

Հոդվածը և հայտը պարունակող ֆայլի անվանումը պետք է համընկնի հոդվածի հեղինակի ազգանվան հետ:

ԳԻՏԱԺՈՂՈՎԻ ՄԱՍՆԱԿՑՈՒԹՅԱՆ ՀԱՅՏ

ՀՈԴՎԱԾԻ ՁեվԱԿԵՐՊՄԱՆ ՕՐԻՆԱԿ

Արցախահայության պատմությունն ու մշակույթը

Ի.Ի.Սարգսյան

ԱՀ, Ստեփանակերտ, Մեսրոպ Մաշտոց Համալսարան

e-mail: sarkisyan@mail.ru

Բանալի բառեր (5 – 9)՝ հոդվածի շարադրման լեզվով,

Հոդվածի տեքստ (տառաչափը՝ 12),

Հղումներ՝ [1, էջ. 12],

Օգտագործված գրականության ցանկ՝  այբբենական կարգով,

Ամփոփում՝ հոդվածի շարադրման լեզվից տարբեր 2 լեզուներով,

Բանալի բառեր (5 – 9)՝ հոդվածի շարադրման լեզվից տարբեր 2 լեզուներով: