Մեսրոպ Մաշտոց Համալսարանի ռեկտոր Դոնարա Գաբրիելյանի շնորհավորական ուղերձը Ամանորի և Սուրբ Ծննդյան տոների առթիվ
Հարգելի՛ համալսարանականներ, սիրելի՛ ուսանողներՇնորհավորում եմ ձեզ Ամանորի և Սուրբ ծննդյան տոների առթիվ, ցանկանում եմ բեղմնավոր աշխատանք, ուսման մեջ առաջընթաց, նորանոր ձեռքբերումներ և հաղթանակներ:
Արցախյան երրորդ պատերազմը խոր հետք է թողել բոլորիս սրտերում: Ցավով ենք նշում, որ այս պատերազմում ՄՄՀ-ի 22 ուսանող ևս դարձել է հավերժի ճամփորդ:
Մենք ապրում ենք դժվարին ու բարդ ժամանակաշրջանում: Չկորցնելով հայի ոգին ու արժանապատվությունը՝ մենք ստեղծված իրավիճակում պետք է լինենք առավել քան միասնական ու միաբան՝ երբևէ չմոռանալով հայոց արծիվ տղաների սխրանքները:Պատմությունը ցույց է տալիս, որ հաղթանականեր կարող ենք կերտել միայն ու միայն մեկ գաղափարի շուրջ համախմբվելով:
Բուհի ողջ կոլեկտիվի և ուսանողների անունից ի սրտե շնորհավորում եմ բոլորիս՝ գալիք 2022 թվականը: Թող այսուհետ ո´չ ոք չզգա պատերազմի դառնությունները:
Կրթության որակի շարունակական բարելավումը և բոլոր ուղղություններով աշխատանքների արդյունավետության բարձրացումը համարում եմ առաջնահերթ: Մեր կողմից իրականացվող բոլոր աշխատանքները հենց այդ նպատակին են ծառայում:
Շնորհավորում եմ Արցախի, Մայր Հայաստանի և Սփյուռքի մեր բոլոր հայրենակիցներին ու գործընկերներին: Շնորհավո´ր Ամանոր և Սուրբ Ծնունդ, թող 2022 թվականը լինի հարատև ԽԱՂԱՂՈՒԹՅԱՆ ու ԲԱՐԵԿԵՑՈՒԹՅԱՆ տարի:
Շնորհավո´ր Ամանոր և Սուրբ Ծնունդ