ՕՏԱՐ ԼԵԶՈՒՆԵՐԻ ԱՄԲԻՈՆ
Ամբիոնը հիմնադրվել է 2003-2004 ուս.տարում, պատրաստում է անգլերենի ուսուցիչներ և թարգմանիչներ բակալավրիատում, մագիստրատուրայում՝ անգլերեն լեզվի մասնագետ, բանասեր: Մասնագիտական խմբերից բացի ամբիոնի դասախոսները անգլերեն, գերմաներեն, ֆրանսերեն, լատիներեն, ադրբեջաներեն և պարսկերեն են դասավանդում նաև բուհի տարբեր ֆակուլտետներում՝ հաշվի առնելով յուրաքանչյուր ֆակուլտետի առանձնահատկությունները: Ամբիոնը ուսումնասիրում, մշակում և կիրառում է համալսարանում դասավանդվող անգլերենի, գերմաներենի, ֆրանսերենի, լատիներենի, ադրբեջաներենի և պարսկերենի դասավանդման ծրագրերը:
Ամբիոնի գիտահետազոտական աշխատանքները ուղղված են օտար լեզուների տեսական հարցերի և դասավանդման մեթոդիկայի հիմնախնդիրների ուսումնասիրությանն ու վերլուծությանը, օտար լեզուների դասավանդման ընթացքում ինովացիոն տեխնոլոգիաների կիրառմանը:
Ամբիոնին կից գործում է օտար լեզուների կաբինետ:
