Հանդիպում ԱՀ ԿԳՄՍ նախարար Անահիտ Հակոբյանի հետ

Անահիտ Հակոբյանը բարձր է գնահատել բուհի գործունեությունը՝ նշելով, որ համալսարանը համապատասխանում է կրթական չափորոշիչներին։

Անահիտ Հակոբյանն ասել է նաև, որ ինքը տեղյակ է բուհի խնդիրներին և պատրաստակամ է փոխհամագործակցության շրջանակում աջակցել ցանկացած հարցում։

 

Բուհի ռեկտոր Դոնարա Գաբրիելյանն էլ ներկայացրել է կրթական հաստատության տարբեր տարիների կատարած աշխատանքը, կարևորել ձեռքբերումները և մատնանշել անելիքները։

 

Դոնարա Գաբրիելյանն ընդգծել է նաև, որ բուհի հիմնական խնդիրը գրագետ ու զարգացած ուսանողներ թողարկելն է, որի ուղղությամբ շարունակաբար կատարվում են մի շարք աշխատանքներ։

 

ՀԱՆԴԻՊՄԱՆՆ անդրադարձ է կատարվել նաև նոր մասնագիտությունների գործարկմանը, որոնք պահանջված են ու արդիական։

 

Լսելով բուհի ռեկտորի և դասախոսների կարծիքները՝ նախարարը կարևորել է միասնական աշխատանքը, որի արդյունքում էլ կարձանագրվեն նորանոր հաջողություններ:

 

Հանդիպման երկրորդ հատվածում նախարարը պատասխանել է բուհի պրոֆեսորադասախոսական կազմին հուզող հարցերին, լսել նրանց առաջարկները, և կրկին նշել, որ պատրաստակամ է ցանկացած խնդիր համատեղ քննարկել և գտնել համապատասխան լուծում։